Сборник стихов посвященных родному языку и словам. С краткими биографическими справками авторов — от Юсуфа Баласагуни (XI век), Мухаммадьяра (XVI век), Дэрдмэнда, Габдуллы Тукая, Хади Такташа до современников.
Җыентыкта сүз һәм туган тел турында шигырьләр тупланды. Шулай ук шагыйрьләр хакында кыскача биографик мәгълүмат та бирелде. Әлеге шигырьләр телебезне яратучы, хөрмәт итүче укучыларны битараф калдырмас.
Китап мәктәп яшендәге балаларга, укытучыларга, тәрбиячеләргә һәм ата-аналарга адреслана.
Составитель: Эльвира Калимуллина
|
| ||
Төрле телләр, бәхәсләшеп,
Ят итсәләр бер-берсен,
Бер чеметем тозга манып,
Икмәк ашыйм бер телем!
Телем - шул ук туган илем,
Җирдә телсез ил булмый.
Телен йоткан шамакайга
Тел күрсәтеп, тел булмый!
Татар - минем туган телем.
Туган телгә юк үлем!
Телең белән ачыла, халкым,
Чишмәдәй саф күңелең!..
Телем-телем киссәләр дә,
Яшәрсең, ана телем!
Телем минем - шул ук туфрак,
Каберемдә үскән гөлем!..
Сүзләр эрлим,
киләп сарам сүзләрдән;
сүз тәрәшлим,
керешләрен керештерәм,
эзен китерәм эзләргә.
Сүз җебеннән җырлар тукыйм.
Телем - җырлар станогы;
шүреләрем, сосаларым,
өлгеләрем, кысаларым -
туган телем осталыгы!
Биеп тора шүреләрем,
җемелдәтеп буяуларын:
яшел җебе - яшь көннәрем,
зәңгәр җебе - хыялларым,
кызыл җебе - шатлыкларым,
сары җебе - сагышларым...
Сүсләр түгел,
сүзләр талкыйм -
җилләр ала талкышларын...
Шигырьләрем - рух авазым,
сездә - уңыш-табышларым...
Сездә - ялгышларым!..
Роберт Әхмәтҗанов (1935-2008)
Рецензию могут написать только авторизованные пользователи.
 |
