Книжка стихов, на татарском языке, с яркими, красочными иллюстрациями на каждой странице,
Написанные понятным, лёгким языком весёлые стихи, случаи и события, знакомящие с таинственным миром природы, временами года, взаимоотношениям людей. Герои произведений ходят вместе на рыбалку, собирают ягоды, пасут животных, катаются на велосипедах и заодно познают окружающий мир. Для детей дошкольного и младшего школьного возраста.
Балаларга аңлаешлы, җиңел тел белән язылган, кызыклы вакыйгаларны, күренешләрне үз эченә алган шигырьләр аша укучы серле табигать дөньясы, ел фасыллары белән таныша. Шигырь геройларына ияреп, балыкка йөри, җиләк җыя, бәбкә саклый... Шул рәвешле тирә-юньне танып белергә өйрәнә.
Китап мәктәпкәчә һәм кече яшьтәге мәктәп балалары өчен тәкъдим ителә.
Литературно-художественное издание для детей дошкольного и младшего возраста.
Автор: Мөҗәһит (Ахметзянов Музагит Загитович)
Художник: Рустем Хабибуллин
|
| ||
Бабам җигеп биргән атта
Булдым йөреп карарга.
Утырып кына өлгердем,
Тотынды ат чабарга…
Дилбегәне тартып карыйм:
– Тукта инде, тр – р, тр – р, – дим.
Арттан бабай чаба аксап:
-Уңга таба бор, бор! – ди.
Кая борасың ди монда,
Ат бит мине тыңламый.
Чабуын гына белә ул,
Туктарга һич уйламый.
Күл буеннан үткән чакта
Сикереп төштем суга.
Ат арбасын шалтыратып
Кереп китте басуга.
Су су инде, җиргә төшсәм,
Аяксыз калыр идем.
Сентябрьдә ничек итеп
Мәктәпкә барыр идем?
Манма су булып чыгуга,
Бабам да килеп җиткән.
-Бәхетемә каршы, – ди, – син
Алай да исән икән…
И шатланды шунда бабам,
Мине кочаклап сөйде.
Каршы килгән атны күреп:
– Үзе кайта ул… – диде.
Африкада кар яуган, ди,
И кызык та булгандыр.
Яланаяк йөрүчеләр
Нишләгәндер?
Туңгандыр.
Ап – ак карны күрү белән,
Куркуга калганнардыр.
Энҗедәй кар бөртекләрен
Кулга да алганнардыр.
Безнең кебек, кар бабайлар
Ясый белделәр микән?
Әллә кар атышып кына
Уйнап йөрделәр микән?
Үзем булсам… Мин аларга
Зур таулар өяр идем.
“Кышмыни бу…
Чын кышны күрергә, безгә
Килегез”, дияр идем.
Рецензию могут написать только авторизованные пользователи.
TATSHOP.RU-га зур рәхмәт тиз җибәрү өчен!